Name

Maida Hamad Abdallah

Sex

Female

Party

CCM

Constituent

Special Seats

Primary Question

MHE. MAIDA HAMAD ABDALLAH aliuliza: - Je, nini mkakati wa Serikali kumaliza tatizo la wafanyabiashara kukwepa kulipa kodi nchini?

Supplementary Question 1

MHE. MAIDA HAMAD ABDALLAH: Mheshimiwa Spika, ahsante sana kwa kunipa nafasi ya kuuliza maswali ya nyongeza na ninayo maswali mawili ya nyongeza.

Mheshimiwa Spika, kwa kuwa miongoni mwa makusanyo ya kodi ni pamoja na utoaji na upokeaji risiti pale tunaponunua bidhaa dukani, na kwa kuwa wapo baadhi ya wafanyabiashara bado hawajaelewa suala la umuhimu wa kutoa risiti pale wanapouza bidhaa kwa visingizio kwamba kumekuwa na utitiri wa kodi kwa wafanyabiashara bila kuangalia mtaji wa mfanyabiashara huyo tangu bidhaa inatoka bandarini hadi kufika dukani, je, Serikali inalichukuliaje suala hili?
Swali la pili, kwa kuwa…

SPIKA: Mheshimiwa uliza kwa kifupi.

MHE. MAIDA HAMAD ABDALLAH: Mheshimiwa Spika, kwa kuwa hivi karibuni tulipitisha sheria ya adhabu kwa wafanyabiashara wote wanaokwepa kodi, je, kutokana na malalamiko haya kwa wafanyabiashara, Serikali inasema nini au inalifanyia kazi kwa kiasi gani? Ahsante. (Makofi)

Name

Hamad Hassan Chande

Sex

Male

Party

CCM

Constituent

Kojani

Answer

NAIBU WAZIRI WA FEDHA: Mheshimiwa Spika, naomba kwa ridhaa yako nijibu maswali yote mawili ya Mheshimiwa Maida, Mbunge wa Viti Maalum kwa pamoja. Kwanza, naomba nimpongeze sana kwa ufuatiliaji mkubwa wa jambo hili. Niseme tu kwamba ni kosa kisheria kwa mfanyabiashara kutotoa kodi na hata mnunuzi (mteja) kutodai risiti, tuwajibike. Tuna programu inaitwa Tuwajibike, inatakiwa mfanyabiashara lazima atoe risiti, ni wajibu wake na mteja wajibu wake ni kudai risiti.

Mheshimiwa Spika, kwa hiyo, tuseme kwamba yule ambaye anafanya biashara, lakini hatoi risiti kwa bidhaa ambayo ametoa au kutoa risiti ambayo haiendani na uhalisia wa biashara ni kosa kwa mujibu wa sheria, ahsante sana.