Name

Khamis Yussuf Mussa

Sex

Male

Party

CCM

Constituent

Kwahani

Primary Question

MHE. KHAMIS YUSSUF MUSSA aliuliza:- Je, lini Serikali itakarabati Kituo cha Polisi Ng’ambo, Kwahani kwa kuwa ni chakavu na cha muda mrefu?

Supplementary Question 1

MHE. KHAMIS YUSSUF MUSSA: Mheshimiwa Spika, ninashukuru Serikali kwa majibu yake mazuri na yanatuletea faraja kidogo lakini kuna swali moja tu la nyongeza. Je, ni lini mchakato wa ukarabati huo utaanza? Ahsante sana. (Makofi)

Name

Daniel Baran Sillo

Sex

Male

Party

CCM

Constituent

Babati Vijijini

Answer

NAIBU WAZIRI WA MAMBO YA NDANI YA NCHI: Mheshimiwa Spika, ahsante. Ninaomba kujibu swali moja la nyongeza la Mheshimiwa Khamis Yussuf Mussa, kama ifuatavyo:-

Mheshimiwa Spika, kama nilivyosema katika jibu la msingi kwamba katika mwaka wa fedha 2025/2026, tumetenga fedha hizo kwa ajili ya kuanza ukarabati wa hilo Jengo la Polisi Kwahani. Ahsante sana. (Makofi)

Name

Asia Abdulkarim Halamga

Sex

Female

Party

CCM

Constituent

Special Seats

Primary Question

MHE. KHAMIS YUSSUF MUSSA aliuliza:- Je, lini Serikali itakarabati Kituo cha Polisi Ng’ambo, Kwahani kwa kuwa ni chakavu na cha muda mrefu?

Supplementary Question 2

MHE. ASIA A. HALAMGA: Mheshimiwa Spika, ahsante sana kwa kunipatia nafasi ya kuuliza swali la nyongeza. Je, ni lini Serikali itakamilisha ujenzi wa Kituo cha Polisi katika Mkoa wa Manyara?

Name

Daniel Baran Sillo

Sex

Male

Party

CCM

Constituent

Babati Vijijini

Answer

NAIBU WAZIRI WA MAMBO YA NDANI YA NCHI: Mheshimiwa Spika, ninaomba kujibu swali la Mheshimiwa Asia Halamga, Mbunge wa Vijana, kama ifuatavyo:-

Mheshimiwa Spika, ni kweli jengo la Mkoa wa Manyara la Kamanda linaendelea, lakini kwa Mwaka wa Fedha 2024/2025, tumetenga shilingi 800,000,000 kwa ajili ya kukamilisha jengo hilo la Kamanda wa Polisi wa Mkoa wa Manyara. Ahsante sana. (Makofi)

Name

Zuberi Mohamedi Kuchauka

Sex

Male

Party

CCM

Constituent

Liwale

Primary Question

MHE. KHAMIS YUSSUF MUSSA aliuliza:- Je, lini Serikali itakarabati Kituo cha Polisi Ng’ambo, Kwahani kwa kuwa ni chakavu na cha muda mrefu?

Supplementary Question 3

MHE. ZUBERI M. KUCHAUKA: Je, Serikali wapo tayari kunirudishia fedha zangu za Mfuko wa Jimbo, ambazo nilizitoa kwa ajili ya kujenga Kituo cha Polisi Wilaya ya Liwale na hawataki kukijenga mpaka leo ni miaka mitatu? (Makofi/Kicheko)

SPIKA: Sawa. Sasa ili nijue swali lako nilielekeze kwa nani fedha za Mfuko wa Jimbo alikabidhiwa nani? Walikabidhiwa Polisi ama bado zipo kwa Mkurugenzi, lakini wewe kwenye vikao vyako uliekeza kijengwe kituo, ili nijue nani ajibu swali lako?

MHE. ZUBERI M. KUCHAUKA: Mheshimiwa Spika, fedha hizi zilitengwa kwenye bajeti ya 2020/2021, tayari zipo Polisi lakini hawaoneshi nia ya kujenga hicho kituo mpaka leo? (Makofi)

SPIKA: Hapana, zilishatoka fedha kwa Mkurugenzi zikaenda Polisi?
MHE. ZUBERI M. KUCHAUKA: Mheshimiwa Spika, zipo Polisi.

SPIKA: Aaah! zipo Polisi.

MHE. ZUBERI M. KUCHAUKA: Mheshimiwa Spika, Polisi wamekubali kupokea na hati ninayo hapa waliyopokelea, lakini hawana nia ya kujenga hicho kituo ni mwaka wa tatu leo. Hizo fedha zirudi kwenye Mfuko wa Jimbo! (Makofi/Kicheko)

Name

Daniel Baran Sillo

Sex

Male

Party

CCM

Constituent

Babati Vijijini

Answer

NAIBU WAZIRI WA MAMBO YA NDANI YA NCHI: Mheshimiwa Spika, nimpongeze Mheshimiwa Mbunge kwa kuanzisha kujenga Kituo cha Polisi japo hajamaliza, basi sisi kama Jeshi la Polisi tunamalizia kituo hicho, lakini pia nitaonana naye baadaye tuzungumze jinsi alivyotuma fedha hizo. Ahsante.

Name

Conchesta Leonce Rwamlaza

Sex

Female

Party

CHADEMA

Constituent

Special Seats

Primary Question

MHE. KHAMIS YUSSUF MUSSA aliuliza:- Je, lini Serikali itakarabati Kituo cha Polisi Ng’ambo, Kwahani kwa kuwa ni chakavu na cha muda mrefu?

Supplementary Question 4

MHE. CONCHESTA L. RWAMLAZA: Mheshimiwa Spika, wananchi wa Kijiji cha Kasharunga, Kata ya Kasharunga katika Wilaya ya Muleba walijenga Kituo chao cha Polisi kwa nguvu za wananchi. Ni kwa nini Serikali haitaki kufungua kituo hiki? Watoe sababu wananchi waelewe. Ahsante sana. (Makofi)

Name

Daniel Baran Sillo

Sex

Male

Party

CCM

Constituent

Babati Vijijini

Answer

NAIBU WAZIRI WA MAMBO YA NDANI YA NCHI: Mheshimiwa Spika, ninaomba kujibu swali la Mheshimiwa Conchesta kama ifuayavyo:-

Mheshimiwa Spika, ninawapongeza sana wananchi wa Kijiji cha Kasharunga kwa kujenga Kituo cha Polisi. Nimhakikishie Mheshimiwa Mbunge kwamba, baada ya Bunge hili tutaenda kufungua kituo hicho kilichojengwa ili kuhudumia wananchi wa maeneo haya. Ahsante sana. (Makofi)

Name

Omar Issa Kombo

Sex

Male

Party

CCM

Constituent

Wingwi

Primary Question

MHE. KHAMIS YUSSUF MUSSA aliuliza:- Je, lini Serikali itakarabati Kituo cha Polisi Ng’ambo, Kwahani kwa kuwa ni chakavu na cha muda mrefu?

Supplementary Question 5

MHE. OMAR ISSA KOMBO: Mheshimiwa Spika, je, ni lini Serikali itafanyia ukarabati Kituo cha Polisi Wilaya ya Micheweni wakati ni mara nyingi wametuahidi, lakini bado mpaka leo? Ahsante.

Name

Daniel Baran Sillo

Sex

Male

Party

CCM

Constituent

Babati Vijijini

Answer

NAIBU WAZIRI WA MAMBO YA NDANI YA NCHI: Mheshimiwa Spika, ahsante. Ninaomba kujibu swali la Mheshimiwa Omar Kombo kama ifuatavyo:-

Mheshimiwa Spika, nia ya Serikali ni kukarabati vituo vyote vya Polisi ambavyo ni chakavu na kujenga vipya. Kwa hiyo, nimhakikishie Mheshimiwa Mbunge kwamba, kituo chake hicho alichokitaja kipo kwenye mpango na tayari tumefanya ukarabati ili wananchi wetu waweze kuhudumiwa kwa maana ya usalama wa raia na mali zao katika eneo lake. Ahsante sana. (Makofi)