Name

Justin Lazaro Nyamoga

Sex

Male

Party

CCM

Constituent

Kilolo

Primary Question

MHE. JUSTIN L. NYAMOGA aliuliza:- Je, lini Serikali itatafuta mwekezaji kwa ajili ya killimo cha miwa na Kiwanda cha Sukari katika Kata ya Mahenge Wilayani Kilolo?

Supplementary Question 1

MHE. JUSTIN L. NYAMOGA: Mheshimiwa Mwenyekiti, nakushukuru na nashukuru Serikali kwa majibu mazuri, pamoja na hayo ninayo maswali mawili ya nyongeza. Swali la kwanza; kwa kuwa Wizara ya Viwanda na Biashara kupitia TEMDO wanatengeneza mtambo wa kuchakata sukari ambapo tayari wameshatembelea Kata hiyo ya Mahenge na Nyanzwa na wameonesha nia ya kufunga mtambo huo kwa majaribio. Je, Wizara ya Kilimo ipo tayari kushirikiana na Wizara ya Viwanda na Biashara ili mtambo huo ufungwe Mahenge ili kiwanda kile kiweze kuanza?

Mheshimiwa Mwenyekiti, swali la pili; kwa kuwa ulimaji wa miwa unaenda sambamba na Bwawa la Bonde la Nyanzwa ambalo usanifu wake umekamilika. Je, Serikali inatoa commitment gani kwa bajeti ya mwaka ujao bwawa lile kujengwa ili kilimo cha miwa kiweze kufanyika na kuunga mkono kile kiwanda cha sukari? Ahsante. (Makofi)

Name

David Ernest Silinde

Sex

Male

Party

CCM

Constituent

Tunduma

Answer

NAIBU WAZIRI WA KILIMO: Mheshimiwa Mwenyekiti, nimwondoe shaka Mheshimiwa Mbunge kwamba Serikali ni moja, sisi kama Wizara ya Kilimo tupo tayari kushirikiana na kufanya kazi na Wizara ya Viwanda na biashara ili kuhakikisha kwamba tunaongeza tija kwa wakulima hususani wa eneo la Kata ya Mhenge. Kwa hiyo jambo hilo tupo nalo tayari na tutafanya nao kazi kwa ukaribu. Kuhusu commitment ya Serikali kwenye Bwawa la Nyanzwa ambalo tayari usanifu wake umeshakamilika hatua ya sasa inayofuata ni kutangazwa kwa tender hiyo na baada ya hapo ni kwamba tutapata mkandarasi na mwisho tutamleta katika eneo husika ili aanze kazi.

Mheshimiwa Mwenyekiti, jukumu letu kama Wizara ni kuhakikisha maeneo yote tutakayotangaza tender yatafunguliwa na tutahakikisha kwamba miradi hii inaanza kabla ya mwaka wa fedha ujao. Ahsante. (Makofi)