Makadirio ya Mapato na Matumizi ya Wizara ya Ujenzi kwa Mwaka wa Fedha 2024/2025

MHE. LATIFA KHAMIS JUAKALI: Mheshimiwa Spika, naomba kumshukuru Mheshimiwa Rais Dkt. Samia Suluhu Hassan kwa kazi kubwa anayoifanya kupitia Wizara hii ya Miundombinu kwa kukamilika kwa miradi mikubwa ya kimkakati ikiwemo madaraja, barabara pamoja na SQR.

Mheshimiwa Spika, aidha nampongeza Mheshimiwa Waziri kwa kuendelea kusimamia miradi mbalimbali pia tumeona wakati wa mafuriko namna mlivyojitoa kufika katika maeneo yote ya Tanzania.

Mheshimiwa Spika, ushauri wangu kwa Wizara hii lazima kuongeza kipaumbele kwa makandarasi wa kike pamoja na vijana, hii itasaidia kuinua kipato cha mtu mmoja mmoja na Taifa kwa ujumla.

Mheshimiwa Spika, naiomba pia Wizara kushughulikia alama za barabara kuepusha ajali.