Bunge la Tanzania
Jamhuri ya Muungano ya Tanzania
Term | Session | Sitting | Sector | Ministry | Qn No | Date |
---|---|---|---|---|---|---|
2020-2025 | Session 18 | Sitting 14 | Livestock , Fisheries, Agriculture, Food Security and Cooperatives | Wizara ya Kilimo | 229 | 2025-02-14 |
Name
Tauhida Cassian Gallos Nyimbo
Sex
Female
Party
CCM
Constituent
Special Seats
Primary Question
Mpango wa Serikali Kuwasaidia Wakulima Kukabiliana na Athari za Mabadiliko ya Tabianchi
MHE. TAUHIDA CASSIAN GALLOS aliuliza: -
Je, Serikali imejipangaje kuwasaidia wakulima kukabiliana na athari za mabadiliko ya tabianchi?
Name
Hussein Mohamed Bashe
Sex
Male
Party
CCM
Constituent
Nzega Mjini
Answer
NAIBU WAZIRI WA ARDHI, NYUMBA NA MAENDELEO YA MAKAZI K.n.y. WAZIRI WA KILIMO alijibu: -
Mheshimiwa Naibu Spika, Serikali imeendelea na juhudi za kujenga uhimilivu wa athari za mabadiliko ya tabianchi katika sekta ya kilimo kupitia sera, mikakati na programu mbalimbali ikiwemo Ajenda ya 10/30, Mpango wa Mageuzi ya Kilimo pamoja na Mwongozo wa Kilimo kinachohimili mabadiliko ya tabianchi. Mikakati yote hii inalenga kuwasaidia wakulima kuongeza uhimilivu wa sekta kwa kutekeleza yafuatayo: -
(i) Uwekezaji katika kilimo cha umwagiliaji ambacho ni cha uhakika na himilivu ili kuepuka kilimo cha kutegemea mvua;
(ii) Ujenzi wa miundombinu ya umwagiliaji katika mashamba ya uzalishaji wa mbegu bora za mazao kupitia ASA ili kuhakikisha kwamba uhakika wa upatikanaji wa mbegu unakuwepo nchi nzima;
(iii) Utoaji wa mbolea na mbegu bora kwa mpango wa ruzuku;
(iv) Uwekezaji katika utafiti wa mbegu bora na zinazostahimili mabadiliko ya tabianchi kupitia Taasisi ya Utafiti wa Kilimo (TARI); na
(v) Uwekezaji katika mbinu na teknolojia himilivu ikiwemo kupima afya ya udongo, uboreshaji wa huduma za ugani, kuendeleza vituo mahiri vya kusambaza teknolojia na mafunzo ya kilimo kinachohimili mabadiliko ya tabianchi.
Copyright © Bunge Polis 2025. All Rights Reserved