Name

Joseph Michael Mkundi

Sex

Male

Party

CCM

Constituent

Ukerewe

Primary Question

MHE. JOSEPH M. MKUNDI K.n.y. MHE. HUSSEIN N. AMAR aliuliza: - Je, Serikali ina mpango gani wa kusambaza maji kwenye Shule za Msingi na Sekondari Wilayani Nyang’hwale?

Supplementary Question 1

MHE. JOSEPH M. MKUNDI: Mheshimiwa Spika, nashukuru kwa kunipa nafasi niulize maswali mawili ya nyongeza.

Mheshimiwa Spika, swali la kwanza, kwa kuwa limekuwa ni tatizo kwenye maeneo mengi inapotekelezwa miradi ya maji, taasisi hizi za shule na taasisi nyingine zinakuwa hazipelekewi mifumo ya maji, ni kwa nini sasa Serikali isiweke kama takwa la lazima kwamba, mradi wa maji unapotekelezwa, basi taasisi hizi hasa shule ziwe zinapelekewa maji? (Makofi)

Mheshimiwa Spika, swali la pili, kwa kuwa miradi mingi ya maji bado inasuasua kwa sababu wakandarasi wengi hawajalipwa, akiwemo mkandarasi anayetekeleza Mradi wa Maji wa Ukala Jimboni Ukerewe, nini sasa mkakati wa Serikali ili mkandarasi huyo aweze kulipwa? (Makofi)

Name

Jumaa Hamidu Aweso

Sex

Male

Party

CCM

Constituent

Pangani

Answer

WAZIRI WA MAJI: Mheshimiwa Spika, kwanza namshukuru Mheshimiwa Mbunge, pia nimhakikishie kwamba moja ya takwa la lazima panapojegwa mradi wa maji ni taasisi lazima zipelekewe maji, aidha shule, zahanati ama vituo vya afya kuhakikisha kwamba wanapata hii huduma muhimu sana ya maji. Hayo ndiyo maelekezo na takwa la lazima katika Wizara yetu ya Maji.

Mheshimiwa Spika, jambo la pili, nikiri na nishukuru Wizara ya Fedha kwamba hivi karibuni Wizara ya Maji tumepokea shilingi bilioni 60 katika kuhakikisha kwamba tunalipa wakandarasi hasa wale walio-rise certificate kwenye madai mbalimbali katika miradi ambayo wanatekeleza. Kwa hiyo, tutalipa kwa haraka kuhakikisha kwamba kazi zinaendelea katika maeneo mbalimbali. (Makofi)

Name

Agnes Mathew Marwa

Sex

Female

Party

CCM

Constituent

Special Seats

Primary Question

MHE. JOSEPH M. MKUNDI K.n.y. MHE. HUSSEIN N. AMAR aliuliza: - Je, Serikali ina mpango gani wa kusambaza maji kwenye Shule za Msingi na Sekondari Wilayani Nyang’hwale?

Supplementary Question 2

MHE. AGNES M. MARWA: Mheshimiwa Spika, kwa kuwa tatizo la maji linaathiri shule za boarding na hasa watoto wa kike ndiyo waathirika wakubwa, je, Serikali ina mapango gani wa haraka wa kutatua tatizo hili hasa Mkoa wa Mara? (Makofi)

Name

Jumaa Hamidu Aweso

Sex

Male

Party

CCM

Constituent

Pangani

Answer

WAZIRI WA MAJI: Mheshimiwa Spika, nampongeza Mheshimiwa Mbunge na ninatambua kabisa eneo la Mkoa wa Mara ni eneo ambalo kama Serikali tumewekeza hasa juu ya ujenzi wa miradi mikubwa, na sasa hivi tumekamilisha Mradi ule wa Mugango - Kiabakari - Butiama. Pia, kama Wizara ya Maji, tuna mitambo ya uchimbaji visima. Namwomba Mheshimiwa Mbunge, maeneo ambayo yana changamoto, Wizara ya Maji tupo tayari kuchimba visima kuhakikisha kwamba tunatatua changamoto hizo, ahsante sana. (Makofi)

Name

Minza Simon Mjika

Sex

Female

Party

CCM

Constituent

Special Seats

Primary Question

MHE. JOSEPH M. MKUNDI K.n.y. MHE. HUSSEIN N. AMAR aliuliza: - Je, Serikali ina mpango gani wa kusambaza maji kwenye Shule za Msingi na Sekondari Wilayani Nyang’hwale?

Supplementary Question 3

MHE. MINZA S. MJIKA: Mheshimiwa Spika, napenda kuuliza swali hili; je, ni lini Mradi wa Maji wa kutoka Ziwa Victoria mpaka Mkoa wa Simiyu utakamilika? (Makofi)

Name

Jumaa Hamidu Aweso

Sex

Male

Party

CCM

Constituent

Pangani

Answer

WAZIRI WA MAJI: Mheshimiwa Spika, sasa hivi Wizara ya Maji mkakati wake ni kutumia rasilimali toshelevu ikiwemo maziwa na hivi ninavyozungumza mkandarasi yupo site. Nataka nimhakikishie, kwa sababu mkandarasi tumeshamkabidhi, tutakamilisha kazi ile kwa mujibu wa mkataba kama tulivyopanga. (Makofi)

Name

Stella Simon Fiyao

Sex

Female

Party

CHADEMA

Constituent

Special Seats

Primary Question

MHE. JOSEPH M. MKUNDI K.n.y. MHE. HUSSEIN N. AMAR aliuliza: - Je, Serikali ina mpango gani wa kusambaza maji kwenye Shule za Msingi na Sekondari Wilayani Nyang’hwale?

Supplementary Question 4

MHE. STELLA S. FIYAO: Mheshimiwa Spika, nataka kujua, kwa kuwa kumekuwa na changamoto kubwa sana katika Wilaya ya Mbozi na Wilaya ya Momba ya upatikanaji wa maji, je, ule mradi mkubwa kutoka Momba ambao utahudumia Tunduma na Wilaya ya Mbozi umefikia hatua gani hasa ukizingatia ni miezi miwili tu tumalize mwaka wa fedha?

Name

Jumaa Hamidu Aweso

Sex

Male

Party

CCM

Constituent

Pangani

Answer

WAZIRI WA MAJI: Mheshimiwa Spika, nikiri kwamba eneo la Momba ni moja ya maeneo yenye changamoto ya maji, na Mheshimiwa Mbunge amekuwa akipigania kwa kiwango kikubwa, lakini solution ya Momba ni kutumia Mto Momba. Hivi karibuni tupo hatua za mwisho kabisa kumpata mkandarasi. Kwa hiyo, nimhakikishie Mheshimiwa Mbunge wa Momba, tutakwenda kukabidhi mradi huo site kuhakikisha kwamba mkandarasi anapatikana kipindi hiki cha muda mfupi kama tulivyopanga. (Makofi)

Name

Neema William Mgaya

Sex

Female

Party

CCM

Constituent

Special Seats

Primary Question

MHE. JOSEPH M. MKUNDI K.n.y. MHE. HUSSEIN N. AMAR aliuliza: - Je, Serikali ina mpango gani wa kusambaza maji kwenye Shule za Msingi na Sekondari Wilayani Nyang’hwale?

Supplementary Question 5

MHE. NEEMA W. MGAYA: Mheshimiwa Spika, Mradi wa Maji wa Igando – Kijombe ndani ya Jimbo la Wanging’ombe mkandarasi amepewa kazi tangu Septemba, 2023 wenye thamani ya shilingi bilioni 10.8. Tunataka kujua, ni lini mradi huu utaanza? (Makofi)

Name

Jumaa Hamidu Aweso

Sex

Male

Party

CCM

Constituent

Pangani

Answer

WAZIRI WA MAJI: Mheshimiwa Spika, kwanza namshukuru Mheshimiwa Mbunge. Nataka nimhakikishie kwamba, kwa kuwa mradi huo upo katika utaratibu, utaanza mara moja. Nami nipo tayari kwenda kufuatilia na kusimamia juu ya uanzaji wa mradi huo, ahsante sana.

Name

Samweli Xaday Hhayuma

Sex

Male

Party

CCM

Constituent

Hanang'

Primary Question

MHE. JOSEPH M. MKUNDI K.n.y. MHE. HUSSEIN N. AMAR aliuliza: - Je, Serikali ina mpango gani wa kusambaza maji kwenye Shule za Msingi na Sekondari Wilayani Nyang’hwale?

Supplementary Question 6

MHE. SAMWELI X. HHAYUMA: Mheshimiwa Spika, ahsante sana kwa kunipa nafasi. Je, ni lini Mheshimiwa Waziri atatembelea Jimbo la Hanang kujionea miradi inayotekelezwa ili kuongeza kasi ya miradi hiyo?

Name

Jumaa Hamidu Aweso

Sex

Male

Party

CCM

Constituent

Pangani

Answer

WAZIRI WA MAJI: Mheshimiwa Spika, nampongeza na ninamshukuru Mheshimiwa Mbunge wa Hanang kwa ushirikiano mkubwa ambao ametupa hasa katika kipindi ambacho alipitia magumu. Namwahidi kwamba baada ya bajeti yangu nitafika katika eneo lake, ahsante sana. (Makofi)