Name

Asya Sharif Omar

Sex

Female

Party

CCM

Constituent

Special Seats

Primary Question

MHE. ASYA SHARIF OMAR aliuliza: - Je, Serikali ina mkakati gani wa kunusuru vyanzo vya maji dhidi ya shughuli za kibinadamu?

Supplementary Question 1

MHE. ASYA SHARIF OMAR: Mheshimiwa Spika, ahsante. Nashukuru kwa majibu mazuri ya Serikali, lakini nitakuwa na swali moja la nyongeza.

Mheshimiwa Spika, kwa kuwa vyanzo vya maji ni jambo muhimu sana kwa maisha yetu, lakini pamoja na juhudi kubwa za Serikali ambazo wanazifanya, je, Serikali ina mkakati gani wa kutoa elimu inayohusiana na uharibifu wa vyanzo vya maji kwa kutumia mikutano ya kijamii na pia vyombo vya habari ikiwemo TV na redio? (Makofi)

Mheshimiwa Spika, nataka kujua kwenye hili kwa sababu wananchi wengi ambao wanatumia vyanzo vya maji inawezekana hawana ufahamu wa kuona athari za kutumia vyanzo vya maji na kufanya shughuli za kibinadamu, nashukuru. (Makofi)

Name

Jumaa Hamidu Aweso

Sex

Male

Party

CCM

Constituent

Pangani

Answer

WAZIRI WA MAJI: Mheshimiwa Spika, kwa kweli niungane na Mheshimiwa Mbunge kusema kwamba, tunapozungumzia vyanzo vya maji, maana yake ni kwamba pasipokuwepo vyanzo vya maji, hata hiyo Wizara ya Maji haipo.

Mheshimiwa Spika, nilishukuru Bunge lako Tukufu na wewe mwenyewe, kwani sisi kama Wizara tulikuja na kufanya mabadiliko ya sheria ili kuongeza umakini hasa juu ya suala zima la utoaji wa elimu na ushirikishwaji wa jamii. Nalishukuru Bunge lako Tukufu na sisi kama Wizara tumefanya mabadiliko makubwa hasa juu ya mabonde yetu ya maji.

Mheshimiwa Spika, kaulimbiu ambayo tumeisema, jamii ipo, viongozi wapo, wakishirikishwa tutafanikiwa, wasiposhirikishwa tutakwama. Huo ndiyo msingi katika kuhakikisha kwamba tunatoa elimu na kulinda na kutunza rasilimali zetu za maji. Ahsante sana. (Makofi)