Name

George Ranwell Mwenisongole

Sex

Male

Party

CCM

Constituent

Mbozi

Primary Question

MHE. GEORGE R. MWENISONGOLE aliuliza:- Je, lini ujenzi wa Kituo cha Kupoza Umeme cha Kakozi, Tunduma utaanza?

Supplementary Question 1

MHE. GEORGE R. MWENISONGOLE: Mheshimiwa Mwenyekiti, ahsante kwa kunipa nafasi ya kuuliza maswali mawili ya nyongeza. Kituo hiki kinasubiriwa kwa hamu sana na wananchi wa Mkoa wa Songwe kutokana na matatizo ya umeme yaliyopo ndani ya Mkoa wa Songwe kwani itaondoa utegemezi wa Mkoa wa Songwe kutoka Kituo cha Mwakibete pale Mbeya. (Makofi)

Mheshimiwa Mwenyekiti, hata hivyo, tangu kuwashwa kwa mtambo wa umeme Na.9 katika Bwawa la Mwalimu Nyerere, sisi Mkoa wa Songwe bado hatujafaidika na kuwashwa huko kwani bado tatizo la umeme limeendelea kuwa kubwa Mkoani Songwe especially line ya Mlowo-Kamsamba na line ya Tunduma. Nini hasa kinachosababisha matatizo ya umeme kuendelea katika Mkoa wa Songwe licha ya kuwashwa kwa mtambo Na.9 katika Bwawa la Mwalimu Nyerere?

Name

Judith Salvio Kapinga

Sex

Female

Party

CCM

Constituent

Special Seats

Answer

NAIBU WAZIRI WA NISHATI: Mheshimiwa Mwenyekiti, nimpongeze Mheshimiwa Mbunge kwa kufuatilia maendeleo ya watu wa Mbozi na Mkoa mzima wa Songwe.

Mheshimiwa Mwenyekiti, kuhusiana na umeme kukatika katika line ya Mlowo-Kamsamba pamoja na Tunduma. Mkoa wa Songwe unapata umeme kutoka katika Kituo cha Kupoza Umeme cha Mwakibete kilichopo Mbeya. Line kutoka Mbeya mpaka Songwe ni ndefu sana na hivyo kupelekea tatizo la low voltage. Serikali tumeshaliona, kwa sasa kupitia Mradi wa Gridi Imara tunakwenda kujenga switching station pale Songwe. (Makofi)

Mheshimiwa Mwenyekiti, vilevile kupitia Mradi wa Tanzania-Zambia Interconnector tunakwenda kujenga Kituo cha Kupoza Umeme Songwe kwa ajili sasa watu wa Songwe waweze kupata umeme kutoka Kituo cha Kupoza Umeme Songwe na switching station ambayo itakuwa Songwe. (Makofi)

Mheshimiwa Mwenyekiti, nimhakikishie Mheshimiwa Mbunge na wananchi wote wa Mkoa wa Songwe, tumeliona tatizo hili na tutalifanyia kazi kwa ajili ya kuboresha upatikanaji wa umeme katika Mkoa wa Songwe, ahsante. (Makofi)

Name

Margaret Simwanza Sitta

Sex

Female

Party

CCM

Constituent

Urambo

Primary Question

MHE. GEORGE R. MWENISONGOLE aliuliza:- Je, lini ujenzi wa Kituo cha Kupoza Umeme cha Kakozi, Tunduma utaanza?

Supplementary Question 2

MHE. MARGARET S. SITTA: Mheshimiwa Mwenyekiti, kwanza nimshukuru Mheshimiwa Naibu Waziri alifika Urambo kuangalia Kituo chetu cha Kupozea Umeme kinachojengwa sehemu ya Uhuru. Je, Mheshimiwa Naibu Waziri naweza kutwambia lini kituo kile kitaisha ili na sisi tupate umeme kwa sababu tuna tatizo kubwa sana la umeme Urambo? Ahsante sana.

Name

Judith Salvio Kapinga

Sex

Female

Party

CCM

Constituent

Special Seats

Answer

NAIBU WAZIRI WA NISHATI: Mheshimiwa Mwenyekiti, nampongeza Mheshimiwa Mbunge kwa kufuatilia Kituo hiki cha Uhuru. Kituo cha Uhuru kipo katika hatua za kwenda kumalizika. Nimhakikishie Mheshimiwa Mbunge tunakisimamia kwa hali na mali kuhakikisha kinakamilika na kinaanza kuwanufaisha watu wa Urambo. Kwa hiyo, kwa sababu kimeenda vizuri sana na hata fidia watu wa eneo la Urambo wamelipwa, nimweleze Mheshimiwa Mbunge azma ya Serikali ni kuhakikisha wananchi wa Urambo wanaendelea kupata umeme wa uhakika na tutasimamia Kituo hiki kimalizike ili wananchi wako wa Urambo waweze kupata umeme wa uhakika zaidi.

Name

Condester Michael Sichalwe

Sex

Female

Party

CCM

Constituent

Momba

Primary Question

MHE. GEORGE R. MWENISONGOLE aliuliza:- Je, lini ujenzi wa Kituo cha Kupoza Umeme cha Kakozi, Tunduma utaanza?

Supplementary Question 3

MHE. CONDESTER M. SICHALWE: Mheshimiwa Mwenyekiti, Mheshimiwa Naibu Waziri ametoa ufafanuzi mzuri sana na kutoa matumaini mazuri sana juu ya Kituo cha Nkangamo kilichopo ndani ya Jimbo la Momba. Sasa kwa kuwa maisha ya wananchi yanaendelea na wanahitaji umeme; je, upi mkakati wa dharura wa Serikali kwa ajili ya kutusaidia kuondoa changamoto hiyo wakati tunasubiri mpango wa muda mrefu huu ambao ametoa ufafanuzi, naomba majibu ya kuridhisha? Ahsante sana.

Name

Judith Salvio Kapinga

Sex

Female

Party

CCM

Constituent

Special Seats

Answer

NAIBU WAZIRI WA NISHATI: Mheshimiwa Mwenyekiti, mipango ya dharura tayari inaendelea. Kwanza tunaendelea na kuboresha miundombinu iliyopo katika Mkoa wa Songwe na majimbo yote yaliyopo katika Mkoa wa Songwe.

Mheshimiwa Mwenyekiti, hatua ya pili ya dharura nimeelezea ni kujenga switching station pale Songwe kwa ajili ya kuboresha low voltage ya umeme ambayo inatokea Mwakibete hadi Songwe. Kwa hiyo niendelee kuwahakikishia Waheshimiwa Wabunge, tumeshaanza kuchukua hatua za dharura ikiwemo kuboresha miundombinu kuhakikisha umeme haukatiki katiki.

Mheshimiwa Mwenyekiti, pili; tunaenda kuanza utekelezaji wa kujenga switching station kwa ajili ya kuhakikisha tunapata umeme wa uhakika zaidi. Ahsante.