Name

Eng. Ezra John Chiwelesa

Sex

Male

Party

CCM

Constituent

Biharamulo Magharibi

Primary Question

MHE. ENG. EZRA J. CHIWELESA K.n.y. MHE. SALIM MUSSA OMAR aliuliza:- Je, Serikali haioni haja ya kuhamishia Mfumo wa Cyber kuwa chini ya udhibiti wa Jeshi la Polisi?

Supplementary Question 1

MHE. ENG. EZRA J. CHIWELESA: Mheshimiwa Spika, nashukuru kwa majibu mazuri ya Serikali. Idea ya Mheshimiwa Mbunge, mpaka kuuliza swali hili ni kwamba, sisi kama viongozi na kama Waheshimiwa Wabunge ni mashahidi wa mambo ambayo yanaendelea huko mitandaoni.

Mheshimiwa Spika, kumekuwa na utapeli mkubwa sana kwa wananchi, lakini kwa sehemu kubwa watu wanaporipoti taarifa zimekuwa zinahitajika zitumwe TCRA na TCRA ndio waweze kurudisha polisi. Sasa hicho kitendo kinachukua muda sana, kwa sababu unavyoongelea utapeli leo hatuongelei wale watu waliopo mijini au kwenye majiji makubwa. Utapeli unafika mpaka vijijini na sehemu ambazo hakuna hata hayo mawasiliano saa nyingine inachukua muda mrefu sana.

SPIKA: Mheshimiwa mchango umetosha. Swali.

MHE. ENG. EZRA J. CHIWELESA: Mheshimiwa Spika, sasa swali. Je, hatuoni kwamba, ili kuweza kuboresha mawasiliano na kusaidia Watanzania ambao wanapata dhuluma baadhi ya majukumu hasa ku-access information za wahalifu zingewekwa kwenye majeshi ya polisi tu ili mtu anapoibiwa polisi waweze kupata access ya haraka kumhudumia kuliko kuanza kupeleka information mpaka zirudi huku?

Mheshimiwa Spika, ahsante sana, ni swali moja tu hilo. (Makofi)

Name

Maryprisca Winfred Mahundi

Sex

Female

Party

CCM

Constituent

Special Seats

Answer

NAIBU WAZIRI WA HABARI, MAWASILIANO NA TEKNOLOJIA YA HABARI: Mheshimiwa Spika, ahsante, ninaomba kujibu swali la nyongeza la Mheshimiwa Mussa kupitia Mwakilishi wake Mheshimiwa Engineer Chiwelesa.

SPIKA: Ngoja. Hamwakilishi yeye ameuliza kwa niaba yake. Kwa hivyo, unamjibu yeye, kwa sababu hili ni swali la nyongeza, unamjibu yeye. (Kicheko)

NAIBU WAZIRI WA HABARI, MAWASILIANO NA TEKNOLOJIA YA HABARI: Mheshimiwa Spika, ahsante, naomba kujibu swali la nyongeza la Mheshimiwa Engineer Ezra, kama ifuatavyo: -

Mheshimiwa Spika, ni kweli sisi kama Wizara tunafahamu hili na tunalishughulikia kwa umakini sana. Kwa taarifa tu Tanzania ni nchi ya pili Afrika katika usalama wa kimtandao. Hii inaonesha Wizara ipo makini na tunashughulikia haya yote ambayo yanaendelea mitandaoni.

Mheshimiwa Spika, Jeshi la Polisi tumelipa hii kazi kupitia Unit yake ya Cyber Crime Unit. Kwa hiyo, si kwamba, Jeshi la Polisi halishughuliki moja kwa moja, lakini maboresho tutaendelea kuyafanya kadri ya ushauri mzuri ambao Waheshimiwa Wabunge, wanaendelea kutupatia.