Name

Dr. Oscar Ishengoma Kikoyo

Sex

Male

Party

CCM

Constituent

Muleba kusini

Primary Question

MHE. DKT. OSCAR I. KIKOYO aliuliza:- Je, lini Serikali itaanza ujenzi wa Mradi wa Maji kutoka Ziwa Victoria kwa ajili ya Kata sita za Wilaya ya Muleba?

Supplementary Question 1

MHE. DKT. OSCAR I. KIKOYO: Mheshimiwa Mwenyekiti, pamoja na majibu mazuri ya Serikali, ninayo maswali mawili ya nyongeza. Swali la kwanza; Mradi wa kutoa Maji Ziwa Victoria ulianza kama siyo mwaka 2009 mpaka leo haujaanza kutekelezwa na mwaka jana Serikali ilitenga shilingi milioni 850 kwa ajili ya kuanza kutekeleza mradi huu hatua kwa hatua. Je, ni kitu gani kimefanyika mpaka leo?

Mheshimiwa Mwenyekiti, swali la pili; Serikali ina mkakati gani wa kuhakikisha kwamba Muleba Magharibi ambayo ina tatizo kubwa la maji inapata maji na wananchi wake wanatokana na adha ya ukosefu wa maji? Nashukuru sana.

Name

Kundo Andrea Mathew

Sex

Male

Party

CCM

Constituent

Bariadi

Answer

NAIBU WAZIRI WA MAJI: Mheshimiwa Mwenyekiti, kwanza Serikali inatambua ni kweli kabisa Mheshimiwa Mbunge alichokiongelea kwamba mradi huu ulianza mwaka 2009 na kweli kabisa katika bajeti iliyopita shilingi milioni 850 ilitengwa. Kwanza nimpongeze sana Mheshimiwa Mbunge kwa kuendelea kufuatilia kwa faida ya wananchi wake wa Muleba Kusini nampongeza sana.

Mheshimiwa Mwenyekiti, ni kweli kabisa Serikali inatenga fedha, lakini pia inaendana na upatikanaji wa fedha. Nimhakikishie tu Mheshimiwa Mbunge kuwa mradi huu, Serikali imejizatiti kwa sababu inatambua umuhimu mkubwa sana kwa ajili ya wananchi wa Muleba Kusini kupata maji ya kutoka Ziwa Victoria. Ni jambo ambalo Mheshimiwa Mbunge amekuwa akiliongelea, kama Tabora wanapata maji ya Ziwa Victoria lakini wao wapo karibu pale na kweli Serikali imelitambua hilo na inaliangalia kwa kina vizuri kabisa na tunaendelea kutafuta fedha ili zikishapatikana tu mradi huu uanze mara moja.

Mheshimiwa Mwenyekiti, vilevile tuna miradi mikubwa, miradi ya kati na miradi ya muda mfupi, tumeanza na maeneo mengine kama ambavyo nimejibu katika swali la msingi, tumeanza na zile kata zingine ambazo tunaenda kutoa huduma kwa watu wapatao 2,780, lakini pia tunachukua maombi ya Mheshimiwa Mbunge kwa eneo la Muleba Magharibi ili kuhakikisha kwamba tunaliingiza katika utaratibu wa utekelezaji wa miradi yetu ya muda mfupi ili wananchi wa Muleba Magharibi na wao wapate huduma ya maji safi na salama. Ahsante sana.

Name

Abdallah Jafari Chaurembo

Sex

Male

Party

CCM

Constituent

Mbagala

Primary Question

MHE. DKT. OSCAR I. KIKOYO aliuliza:- Je, lini Serikali itaanza ujenzi wa Mradi wa Maji kutoka Ziwa Victoria kwa ajili ya Kata sita za Wilaya ya Muleba?

Supplementary Question 2

MHE. ABDALLAH J. CHAUREMBO: Mheshimiwa Mwenyekiti, ni lini Serikali itaanza kusambaza maji yanayotoka Kisarawe II katika Kata ya Mbagala Kuu, Kijichi, Toangoma, Kiburugwa na Mbagala?

Name

Kundo Andrea Mathew

Sex

Male

Party

CCM

Constituent

Bariadi

Answer

NAIBU WAZIRI WA MAJI: Mheshimiwa Mwenyekiti, nampongeza Mheshimiwa Mbunge kwa kuendelea kuwasemea vizuri sana wananchi wa Mbagala. Vilevile tunampongeza sana kwa kuendelea kushirikiana na Serikali ya Dkt. Samia Suluhu Hassan, hasa katika kuibua changamoto ambazo zinahusiana na Sekta ya Maji ndani ya jimbo lake na sisi Serikali tunaendelea kuzichukua na kuzifanyia kazi.

Mheshimiwa Mwenyekiti, nimhakikishie katika bajeti yetu ambayo tumeipitisha mwezi uliopita tunaamini kabisa kwamba pindi dirisha la utekelezaji wa bajeti hiyo litakapofunguliwa na tutaanza, siyo kwa upande wa Mbagala peke yake, ni upande wote wa Dar es Salaam ambao umekuwa na changamoto ya upatikanaji wa huduma ya maji safi na salama. Kwa hiyo, upande wa Mbagala tutapata fursa hiyo ya kuhakikisha kwamba tunatekeleza miradi hiyo ya kusambaza maji safi na salama. Ahsante sana.