Name

Tamima Haji Abass

Sex

Female

Party

CCM

Constituent

Special Seats

Primary Question

MHE. TAMIMA HAJI ABASS aliuliza:-

Je, utekelezaji wa Mradi wa Kuhimili Mabadiliko ya Tabianchi kupitia mfumo ekolojia Wilaya ya Kaskazini “A” Zanzibar umefikia wapi?

Name

Khamis Hamza Khamis

Sex

Male

Party

CCM

Constituent

Uzini

Answer

NAIBU WAZIRI, OFISI YA MAKAMU WA RAIS, MUUNGANO NA MAZINGIRA alijibu:-

Mheshimiwa Naibu Spika, Mradi wa Kuhimili Mabadiliko ya Tabianchi kwa Kutumia Mifumo ya Ekolojia Vijijini (Ecosystem-based Adaptation for Rural Resilience - EBARR) unaotekelezwa katika Wilaya za Mvomero, Simanjiro, Kishapu, Mpwapwa kwa upande wa Tanzania Bara na Kaskazini A - Unguja upande wa Zanzibar. Mradi huu unaratibiwa kwa ushirikiano kati ya Ofisi ya Makamu wa Rais, Jamhuri ya Muungano wa Tanzania na Ofisi ya Makamu wa Kwanza wa Rais katika Serikali ya Mapinduzi ya Zanzibar.

Mheshimiwa Naibu Spika, kwa upande wa Kaskazini A – Unguja, mradi huu unatekelezwa na umefikia katika 95% ambapo jumla ya shilingi bilioni 1.4 zimetolewa. Shughuli zilizotekelezwa ni pamoja na kuandaliwa kwa Mpango wa Matumizi ya Ardhi katika Shehia za Matemwe Kijini, Mbuyutende na Jugakuu; uchimbaji na ujenzi wa visima sita; ujenzi wa vitalunyumba (Greenhouse) vitatu kwa ajili ya kilimo cha mbogamboga; ununuzi wa boti sita za kisasa na vifaa vya uvuvi; ujenzi wa vituo vitatu vya ufugaji, utengenezaji wa sabuni na ushonaji; ununuzi wa vyerehani 42 kwa ajili ya vikundi vya ushoni na upakasaji; ununuzi wa mizinga ya nyuki 200; mafunzo ya ujasiriamali kwa vikundi vyote; kuanzishwa kwa vitalu vya miche 56,000; na utengezaji wa majiko banifu kwa kaya 125. Ninakushukuru.