Name

Tamima Haji Abass

Sex

Female

Party

CCM

Constituent

Special Seats

Primary Question

MHE. TAMIMA HAJI ABASS aliuliza:- Je, utekelezaji wa Mradi wa Kuhimili Mabadiliko ya Tabianchi kupitia mfumo ekolojia Wilaya ya Kaskazini “A” Zanzibar umefikia wapi?

Supplementary Question 1

MHE. TAMIMA HAJI ABASS: Mheshimiwa Naibu Spika, ahsante sana, ninashukuru kwa majibu mazuri, nina maswali mawili ya nyongeza. Swali la kwanza; Serikali ina mpango gani sasa kuhakikisha miradi hii inaifuatilia ili kuona kama inadumu na inawanufaisha wananchi baada ya kukamilika kwake?

Mheshimiwa Naibu Spika, swali la pili; Serikali ina mpango gani sasa wa kuhakikisha inapotoa miradi ya mabadiliko ya tabianchi inakuwa inatumia vigezo gani? Ahsante sana. (Makofi)

Name

Khamis Hamza Khamis

Sex

Male

Party

CCM

Constituent

Uzini

Answer

NAIBU WAZIRI, OFISI YA MAKAMU WA RAIS, MUUNGANO NA MAZINGIRA: Mheshimiwa Naibu Spika, ninaomba kujibu maswali mawili ya nyongeza ya Mheshimiwa Tamima, kama ifuatavyo:-

Mheshimiwa Naibu Spika, siku zote tunapokuwa tunaanzisha miradi lazima tunakuwa tunafanya ufuatiliaji. Hatua ya kwanza inakuwa ni hatua ya kufanya tathmini na ufuatiliaji ili kujua mradi huo umefikia wapi na umenufaisha wananchi ama walengwa kiasi gani.

Mheshimiwa Naibu Spika, tumeanzisha ama tunao uwepo na maafisa wetu viungo, wapo huko katika wilaya, mikoa na kwenye halmashauri. Tuna Maafisa wa Mazingira wa Mikoa, tuna Maafisa wa Mazingira katika wilaya ambao pia huwa tunawatumia katika kufuatilia miradi hiyo na kujua imewanufaisha wananchi kiasi gani, lakini hata kupitia ziara za viongozi kwa mfano Kamati za Waheshimiwa Wabunge, Kamati za Wawakilishi. Binafsi, Kamati ya Viwanda, Biashara na Mazingira tulishawahi kuutembelea mradi huu na tukajiridhisha tukaona mradi huu umefikia mahali pazuri.

Mheshimiwa Naibu Spika, lakini kwa upande wa vigezo gani tunatumia, kwanza tunafanya tathmini za kitaalam ili kujua wapi panahitajika kipi kwa ajili ya kuondosha changamoto ya athari kubwa ya mabadiliko ya tabianchi, lakini kikubwa kupitia Mpango wetu, Mpango kabambe wa Mazingira wa miaka 10 ambao ndani yake umeeleza maeneo ambayo yameathirika kimazingira na hatua ambazo tunaweza tukazichukua. Ninakushukuru.

Name

Juma Usonge Hamad

Sex

Male

Party

CCM

Constituent

Chaani

Primary Question

MHE. TAMIMA HAJI ABASS aliuliza:- Je, utekelezaji wa Mradi wa Kuhimili Mabadiliko ya Tabianchi kupitia mfumo ekolojia Wilaya ya Kaskazini “A” Zanzibar umefikia wapi?

Supplementary Question 2

MHE. JUMA USONGE HAMAD: Mheshimiwa Naibu Spika, ahsante sana kwa kunipatia fursa ya kuuliza swali dogo la nyongeza.

Mheshimiwa Naibu Spika, kwa mujibu wa mkataba wa makubaliano na wadau wa maendeleo (Global Environment Facility), mradi huu ulitakiwa ukamilike ndani ya kipindi cha miaka mitano tokea mwaka 2018 – 2022, lakini mpaka leo hii na umekiri hapo kwenye maelezo yako, umeshafikia 95%. Je, ni ipi commitment ya Serikali kukamilisha mradi huu ambapo tayari umeshavuka malengo na muda uliopangwa? Ahsante.

Name

Khamis Hamza Khamis

Sex

Male

Party

CCM

Constituent

Uzini

Answer

NAIBU WAZIRI, OFISI YA MAKAMU WA RAIS, MUUNGANO NA MAZINGIRA: Mheshimiwa Naibu Spika, kama nilivyotoa melezo katika majibu yangu ya msingi kwamba kwa sasa tumefikia 95%. Sasa inawezekana kwa 95% maana yake bado ziko asilimia tano zimebakia. Nimwambie tu Mheshimiwa kwamba hapa katikati kuna mambo kidogo yalitokea, changamoto za miradi kama unavyojua lakini ninamwahidi Mheshimiwa kwamba mradi huu tunakwenda kuumaliza ili sasa uweze kukamilika 100% kama ambavyo unatakiwa ili sasa wananchi waendelee kunufaika na mradi huu kama tulivyoeleza.