Bunge la Tanzania
Jamhuri ya Muungano ya Tanzania
Term | Session | Sitting | Sector | Ministry | Qn No | Date |
---|---|---|---|---|---|---|
2020-2025 | Session 18 | Sitting 9 | Livestock , Fisheries, Agriculture, Food Security and Cooperatives | Wizara ya Kilimo | 148 | 2025-02-07 |
Name
Neema Gerald Mwandabila
Sex
Female
Party
CCM
Constituent
Special Seats
Primary Question
MHE. NEEMA G. MWANDABILA aliuliza:-
Je, ni Mkakati upi Serikali imeuweka kudhibiti uingizaji wa pembejeo feki za mazao ili kuwasaidia wakulima wasipate hasara?
Name
David Ernest Silinde
Sex
Male
Party
CCM
Constituent
Tunduma
Answer
NAIBU WAZIRI WA KILIMO alijibu:-
Mheshimiwa Spika, ili kudhibiti uingizaji wa pembejeo feki za mazao nchini, Serikali kupitia Mamlaka ya Afya ya Mimea na Viuatilifu Tanzania (TPHPA), Taasisi ya Kudhibiti Ubora wa Mbegu Tanzania (TOSCI) na Mamlaka ya Udhibiti Ubora wa Mbolea Tanzania (TFRA) imeweka mikakati ifuatayo:-
(i) Kutambua na kusajili waagizaji wote wa pembejeo nchini ili kudhibiti uingizaji holela wa pembejeo nchini;
(ii) Kufanya ukaguzi wa kila shehena ya pembejeo za kilimo inapofika bandarini au mpakani na kuchukua sampuli kwa ajili ya uchambuzi wa kimaabara;
(iii) Kutoa elimu kwa wakulima na wauzaji wa pembejeo za kilimo kuhusu utambuzi wa pembejeo feki, utunzaji na matumizi bora ya pembejeo; na
(iv) Kufanya kaguzi za mara kwa mara katika maghala na maduka ya pembejeo na kuchukua hatua stahiki kwa wahusika ikiwemo kuwafutia leseni za kuuza pembejeo zote wale wote wanaobainika kuuza au kusambaza pembejeo feki.
SPIKA: Mheshimiwa Cecilia Paresso, swali la nyongeza. Mheshimiwa Mwandabila alikuwa hajasimama, kwa hiyo, nikafiri hana swali la nyongeza. Kumbe unayo? Haya, Mheshimiwa Cecilia Paresso halafu nitakurejea.
Copyright © Bunge Polis 2025. All Rights Reserved