Bunge la Tanzania
Jamhuri ya Muungano ya Tanzania
Term | Session | Sitting | Sector | Ministry | Qn No | Date |
---|---|---|---|---|---|---|
2020-2025 | Session 18 | Sitting 2 | Regional Administration and Local Government Authorities | Ofisi ya Rais TAMISEMI. | 22 | 2025-01-29 |
Name
Joseph Kasheku Musukuma
Sex
Male
Party
CCM
Constituent
Geita
Primary Question
MHE. TUMAINI B. MAGESSA K.n.y. MHE. JOSEPH K. MUSUKUMA aliuliza:-
Je, lini Serikali itapandisha hadhi Shule ya Sekondari ya Rubanga iliyopo Geita kuwa ya kidato cha tano na sita?
Name
Zainab Athuman Katimba
Sex
Female
Party
CCM
Constituent
Special Seats
Answer
NAIBU WAZIRI, OFISI YA RAIS, TAWALA ZA MIKOA NA SERIKALI ZA MITAA (MHE. ZAINAB A. KATIMBA) alijibu:-
Mheshimiwa Spika, shule za kidato cha tano na sita za bweni ni za Kitaifa na huchukua wanafunzi kutoka maeneo mbalimbali nchini. Jimbo la Geita kwa sasa lina shule moja ya kidato cha tano na sita ambayo ni Bugando.
Mheshimiwa Spika, Shule ya Sekondari ya Rubanga bado haijakidhi vigezo vya kuipandisha hadhi kuwa ya kidato cha tano na sita ikiwa ni pamoja na kutokuwa na mabweni, bwalo na madarasa ya kutosha. Ninamwomba Mheshimiwa Mbunge kuendelea kushirikiana na Halmashauri ya Wilaya ya Geita ili Shule ya Rubanga iwekwe kwenye mpango wa kupandishwa hadhi kuwa ya kidato cha tano na sita.
Mheshimiwa Spika, Serikali itaendelea kujenga miundombinu ya shule za sekondari ikiwemo Shule ya Sekondari ya Rubanga kadiri ya upatikanaji wa fedha.
Copyright © Bunge Polis 2025. All Rights Reserved