Name

Ameir Abdalla Ameir

Sex

Male

Party

CCM

Constituent

House of Representatives

Primary Question

MHE. AMEIR ABDALLA AMEIR aliuliza: - Je, upi mchango wa Lugha ya Kiswahili kwenye kukuza Diplomasia ya Uchumi?

Supplementary Question 1

MHE. AMEIR ABDALLA AMEIR: Mheshimiwa Spika, ahsante sana. Pamoja na majibu mazuri ya Mheshimiwa Waziri, kwa ridhaa yako naomba kuuliza maswali mawili ya nyongeza, kama ifuatavyo: -

Mheshimiwa Spika, kwa kuwa licha ya kwamba mtandao huu wa Google umekuwa ukitusaidia sana kutoa tafsiri ya lugha mbali mbali duniani kuja katika Lugha ya Kiswahili, lakini bado tafsiri ile haikidhi viwango na vigezo vya tafsiri sanifu ya Lugha sanifu ya Kiswahili. Sasa je, Serikali haioni kwamba kuna haja ya kufanya jitihada zozote ili kukiwezesha Kiswahili chetu sasa kuwa na sura ile ya kimataifa kwenye kuki-brand?

Mheshimiwa Spika, swali la pili, je, kuna ithibati yoyote ya uwepo wa vituo vya utamaduni (cultural centers) katika hizi balozi zetu mbalimbali duniani; na zinatoa mchango gani hizi cultural centers katika kuukuza na kuutangaza utalii wetu hususani katika kuueleza utamaduni wa Mswahili, Waswahili, Uswahilini na hata asili ya neno “Mswahili”? (Makofi)

Name

Amber. Mbarouk Nassor Mbarouk

Sex

Male

Party

CCM

Constituent

Nominated

Answer

NAIBU WAZIRI WA MAMBO YA NJE (MHE. BALOZI MBAROUK NASSOR MBAROUK): Mheshimiwa Spika, nakushukuru sana. Kwanza nampongeza Mheshimiwa Mbunge, kwa jinsi anavyoipambania Lugha ya Kiswahili hasa katika kuibidhaisha kimataifa na mara nyingi amekuwa akitoa michango na kuuliza sana masuala yanayohusu Lugha ya Kiswahili.

Mheshimiwa Spika, kuhusu Google translation au kuhusu tafsiri ya Google ni kweli kwamba Serikali inatambua mchango mkubwa wa tafsiri ya Google katika kukuza na kuiendeleza Lugha ya Kiswahili, lakini ni kweli kwamba baadhi ya wakati hii Google translation inakuwa haitoi lugha fasaha na sanifu. Hivyo basi, Serikali inafanya kila jitihada ili kuhakikisha kwamba tafsiri ambayo inakuwepo katika Google translation inakuwa fasaha na sanifu zaidi kuliko hivi sasa.

Mheshimiwa Spika, swali la pili kuhusiana na ithibati ya hivi vituo vya utamaduni katika Balozi zetu mbalimbali huko nje, kwanza naomba kumfahamisha Mheshimiwa Mbunge kwamba, Wizara yetu imekuwa mdau mkubwa katika utekelezaji wa Mkakati wa Taifa wa Kubidhaaisha Lugha ya Kiswahili ndani na nje ya nchi. Kupitia mkakati huo sasa hivi tayari kuna Balozi 16 za Tanzania ambazo zimefungua vituo vya utamaduni na kufundisha lugha ya Kiswahili nchi za nje.

Mheshimiwa Spika, napenda kukufahamisha kwamba hivi vituo vyote tayari vina ithibati kutoka Baraza la Kiswahili la Tanzania (BAKITA) na Baraza la Kiswahili la Zanzibar (BAKIZA).