Name

Asia Abdulkarim Halamga

Sex

Female

Party

CCM

Constituent

Special Seats

Primary Question

MHE. ASIA A. HALAMGA aliuliza:- Je, lini Serikali itapeleka huduma ya Mawasiliano Kata ya Simbay - Hanang’?

Supplementary Question 1

MHE. ASIA A. HALAMGA: Mheshimiwa Mwenyekiti, ahsante sana, kwanza kabisa, niishukuru Serikali kwa kuendelea kutatua changamoto ya mawasiliano katika nchi yetu. Nitakuwa na maswali mawili ya nyongeza.

Mheshimiwa Mwenyekiti, kwanza kabisa katika Wilaya ya Hanang’ kwa maeneo kama Sirop, Gisambalang, Gidahababieg, Lalaji pamoja na Hirbadaw bado tuna changamoto kubwa ya mawasiliano. Je, Serikali haioni sasa kuna haja ya kuweka Kata hii ya Simbay na haya maeneo niliyoyataja ya Wilaya ya Hanang’ katika Bajeti ya Mwaka wa Fedha 2024/2025? (Makofi)

Mheshimiwa Mwenyekiti, swali langu la pili; kumekuwa na changamoto kubwa ya mawasiliano katika Kata ya Nkaiti, Vilima Vitatu na Wilaya ya Babati Vijijini. Je, Serikali haioni haja sasa ya kupeleka minara ya mawasiliano katika maeneo haya? Ahsante sana. (Makofi)

Name

Maryprisca Winfred Mahundi

Sex

Female

Party

CCM

Constituent

Special Seats

Answer

NAIBU WAZIRI WA HABARI, MAWASILIANO NA TEKNOLOJIA YA HABARI: Mheshimiwa Mwenyekiti, awali ya yote nipende kumpongeza Mheshimiwa Asia Halamga amekuwa mfuatiliaji mzuri katika hili na kama ambavyo mara ya mwisho amekuja Wizarani tukaongea kwa pamoja. Niendelee kumpa matumaini, maeneo haya yote aliyoyataja, mazingira yake tumeelewa na nipende kuiagiza UCSAF katika mwaka ujao wa fedha tuhakikishe tunawafikia wananchi na kuwapatia mawasiliano ya uhakika.

Mheshimiwa Mwenyekiti, swali la pili la Mheshimiwa Mbunge kuhusu lini tutajenga mnara katika Kata ya Vilima Vitatu, Nkaiti, Babati Vijijini. Haya maeneo pia tayari wameshafanya survey na sasa wanaelekea kufanya tendering ya hivi vifaa vya kujengea mnara na ndani ya miezi sita tunatarajia katika maeneo haya ya Nkaiti, Babati Vijijini mnara huo utajengwa. Ahsante.