Name

Aloyce John Kamamba

Sex

Male

Party

CCM

Constituent

Buyungu

Primary Question

MHE. ALOYCE J. KAMAMBA aliuliza: - Je, Serikali ina mpango gani wa kutafuta soko la uhakika la zao la mihogo?

Supplementary Question 1

MHE. ALOYCE J. KAMAMBA: Mheshimiwa Spika, ahsante kwa kunipa nafasi ya kuuliza maswali mawili madogo ya nyongeza.

Mheshimiwa Spika, tatizo lililopo kwa wananchi wa Wilaya ya Kakonko ambao ni wakulima wazuri wa Zao la Muhogo ni bei ya zao hilo. Hata wakulima wakipata mnunuzi bei inakuwa chini.

Je, Serikali ipo tayari sasa kuanzisha Chama cha Wasindikaji wa Zao la Muhogo Wilayani Kakonko ikiwa ni pamoja na kuwapa mikopo ili waweze kuboresha zao hilo? (Makofi)

Swali la pili, zao la Muhogo ni zao la chakula na baishara kwa Mkoa wa mzima kwa maana ya Wilaya zake zote.

SPIKA: Mheshimiwa Naibu Waziri anayezungumza yupo nyuma yako. Mheshimiwa Naibu Waziri, urejee kwenye kiti ulichokuwa. Ahsante sana.

Mheshimiwa Aloyce Kamamba malizia swali lako la pili.

MHE. ALOYCE J. KAMAMBA: Mheshimiwa Spika, ahsante, swali la pili lilikuwa kwamba zao la Muhogo kwa Mkoa wetu wa Kigoma linalimwa katika Wilaya zake zote. Sasa, ni upi mkakati wa Serikali kuhakikisha kwamba, zao hilo linafanyiwa utafiti ili kupata mbegu bora ambayo inatoa mazao mazuri zaidi? Ahsante sana (Makofi)

Name

David Ernest Silinde

Sex

Male

Party

CCM

Constituent

Tunduma

Answer

NAIBU WAZIRI WA KILIMO: Mheshimiwa Spika, ahsante sana. Serikali inatambua kuna changamoto ya bei ya zao la muhogo ndiyo maana katika moja ya jitihada kubwa tulizofanya ni kuanzisha Chama cha Wazalishaji na Wasindikaji wa Zao la Muhogo Tanzania (TACAPPA). Kwa hiyo, kwa sasa hivi wanatakiwa washuke katika Wilaya na kwa sababu Mbunge ameomba hilo tutalifanya hivyo kwa kuhakikisha tutakuwa na tawi katika Halmashauri ya Kakonko ili iweze kuwasaidia kupata bei ya uhakikka. (Makofi)

Mheshimiwa Spika, pia kuhusu tafiti nimthibitishie kwa asilimia 100 TARI wameshafanya tafiti ya zao la Muhogo na sasa hivi wana mbegu ambayo inaweza kuzalisha mpaka tani 50 kwa heka moja. Kwa hiyo, tutakachokifanya sasa hivi ni kuhakikisha TARI inapeleka mbegu katika maeneo ya Kigoma ili iweze kuleta tija zaidi kwa wananchi hawa, ahsante. (Makofi)