Name

Maimuna Salum Mtanda

Sex

Female

Party

CCM

Constituent

Newala Vijijini

Primary Question

MHE. MAIMUNA S. MTANDA K.n.y. MHE. MAIMUNA A. PATHAN aliuliza:- Je, lini Mikoa ya Lindi na Mtwara itapata Mradi mkubwa wa Maji kutoka Mto Rufiji ambao upo jirani?

Supplementary Question 1

MHE. MAIMUNA S. MTANDA: Mheshimiwa Mwenyekiti, ahsante, kwanza naipongeza Serikali kwa majibu mazuri, lakini nina mambo mawili. Jambo la kwanza, naiomba Serikali iendelee na hilo zoezi la kufanya tathmini ya awali kama ilivyoji-commit leo ili wananchi wa mikoa tajwa wapate hizo huduma za maji.

Mheshimiwa Mwenyekiti, jambo la pili, kwa kuwa zoezi la usanifu wa kuchukua maji kutoka Mto Ruvuma kwenda Mtwara limehusisha uchukuaji wa maeneo ya watu wa maeneo ya Nanyamba, Mtwara DC na Mtwara Manispaa na linahitaji fidia, je, mkakati wa Serikali wa kulipa fidia kwa wananchi wale ambao maeneo yao yamechukuliwa ni upi? Ahsante. (Makofi)

Name

Kundo Andrea Mathew

Sex

Male

Party

CCM

Constituent

Bariadi

Answer

NAIBU WAZIRI WA MAJI: Mheshimiwa Mwenyekiti, napenda kujibu maswali ya nyongeza ya Mheshimiwa Maimuna, kama ifuatavyo: -

Mheshimiwa Mwenyekiti, kwanza kabisa nampongeza Mheshimiwa Maimuna na aliyeuliza swali kwa niaba pamoja na Wabunge wa Mikoa ya Kusini. Hii imekuwa ni ajenda yao kuu ya kuhakikisha kwamba mradi huu wa kutoka Mto Ruvuma unaharakishwa ili wananchi wa maeneo hayo waweze kupata huduma ya maji safi na salama.

Mheshimiwa Mwenyekiti, kwa kuwa tayari Serikali imeshaanza kufanya tathmini ya awali ya usanifu na Mheshimiwa Mbunge ametuomba tuendelee nayo, sisi tutaharakisha zoezi hili likamilike ili tuweze kujua kwamba mradi huu utagharimu shilingi ngapi ili tuweze kuchukua hatua za kupata fedha kwa ajili ya kuutekeleza.

Mheshimiwa Mwenyekiti, kuhusu swali lake la pili. Kama ambavyo nimejibu katika majibu yangu ya msingi, Serikali inaendelea kufanya mapitio ya usanifu ili kuendelea kujiridhisha na pale ambapo bomba kuu litapita na watakaoathirika tuweze kulipa kwa pamoja badala ya kuanza kulipa nusu nusu wakati mapitio yanaendelea. Kwa hiyo, nimhakikishie Mheshimiwa Mbunge, Serikali italipa fidia pale ambapo mapitio ya usanifu yatakamilika, ahsante sana. (Makofi)