Name

Taska Restituta Mbogo

Sex

Female

Party

CCM

Constituent

Special Seats

Primary Question

MHE. TASKA R. MBOGO aliuliza:- Je, lini ujenzi wa jengo la Mama na Mtoto, Wodi ya watoto na wodi ya wanaume Hospitali ya Rufaa Mkoa wa Katavi utakamilika?

Supplementary Question 1

MHE. TASKA R. MBOGO: Mheshimiwa Spika, pamoja na majibu ya Serikali ninayo maswali mawili ya nyongeza. Kwanza, tunaishukuru Serikali kwa ujenzi wa hospitali, lakini hospitali imechukua muda mrefu takribani miaka saba haijakamilika. Wing B, ni eneo ambalo kuna theatre ya kisasa, kuna jengo la mama na kuna jengo la mtoto na sasa hivi wanatumia lile jengo la ICU. Swali la kwanza; je, ni nini kauli ya Waziri baada ya bajeti kupata hizo shilingi bilioni tano ili jengo hili liweze kukamilika? (Makofi)

Mheshimiwa Spika, swali la pili; wakati Waziri ananijibu swali mara ya mwisho hapa Bungeni, aliniahidi ambulance kwenye Hospitali ya Mkoa wa Katavi. Je, niwasiliane na uongozi wa Hospitali ya Mkoa, waweze kumtuma dereva aje kuchukua hiyo ambulance? (Makofi/Kicheko)

Name

Dr. Godwin Oloyce Mollel

Sex

Male

Party

CCM

Constituent

Siha

Answer

NAIBU WAZIRI WA AFYA: Mheshimiwa Spika, kwanza, kauli yangu moja ni kumpongeza Mbunge kwa sababu toka zero amekuwa pamoja na sisi na anajua miaka mitano iliyopita walikuwa hawana kabisa Hospitali ya Mkoa. Leo wana Hospitali ya Mkoa ambayo anaizungumzia majengo kumaliziwa na ameona mengine 98% mengine 20%. Nimhakikishie kwamba, litaenda kwisha.

Mheshimiwa Spika, swali lake la pili, la ambulance, kuna ambulance 47, ambazo zipo njiani zinakuja. Nimwombe asiwasiliane na hospitali walete, lakini mimi na yeye tukae nimkabidhi kwa mtaalamu anayegawa ambulance ahakikishe yeye mwenyewe kwamba zitakapofika ya Katavi iweze kuwekwa. (Makofi)