Name

Janeth Elias Mahawanga

Sex

Female

Party

CCM

Constituent

Special Seats

Primary Question

MHE. JANETH E. MAHAWANGA aliuliza:- Je, upi Mkakati wa Serikali kuhakikisha wajasiriamali wadogo wanakuwa sehemu ya wawekezaji wa ndani kupitia shughuli zao?

Supplementary Question 1

MHE. JANETH E. MAHAWANGA: Mheshimiwa Spika, ahsante. Pamoja na majibu mazuri ya Serikali, nina maswali mawili madogo ya nyongeza. Swali la kwanza; ni lini SIDO itaanza kujiendesha kibiashara ili kukidhi mahitaji ya wajasiriamali wadogo? (Makofi)

Mheshimiwa Spika, swali la pili; ni upi mpango wa Serikali katika kuboresha sera ya biashara na sera ya wajasiriamali wadogo ili ziendane na soko la ndani na mahitaji ya wajasiriamali? Ahsante. (Makofi)

Name

Ridhiwani Jakaya Kikwete

Sex

Male

Party

CCM

Constituent

Chalinze

Answer

NAIBU WAZIRI, OFISI YA RAIS, MENEJIMENTI YA UTUMISHI WA UMMA NA UTAWALA BORA K.n.y. WAZIRI WA VIWANDA NA BIASHARA: Mheshimiwa Spika, lini SIDO itaanza kujiendesha kibiashara? Katika mwaka wa fedha 2023/2024, Serikali imeainisha maeneo ya miradi ya kimkakati na tayari katika baadhi ya maeneo vibali kwa ajili ya uanzishwaji wa maeneo hayo kwa kupitia Msajili wa Hazina vimeshakwishaombwa. Pili, maandiko mbalimbali kwa ajili ya uanzishwaji wa miradi ikiwemo kongani za viwanda nayo pia ni moja ya mkakati ambao umepangwa kutekeleza azma hiyo.

Mheshimiwa Spika, pili kuhusiana na sera; Serikali imeendelea kuboresha Sera ya Taifa ya Biashara na sasa tulipo tumekwishapeleka Sera hiyo katika Baraza la Mawaziri na Baraza limeridhia na sasa tupo katika hatua za mwisho kwa ajili ya uzinduzi wa sera hizo ili kuendana na mahitaji ya sasa katika ujasiriamali.